முக்கிய செய்திகள்
Idhayam Matrimony

தமிழகத்தில் சாமானியர்களுக்கு சொத்து வரி உயர்த்தப்படவில்லை: அமைச்சர் கே.என்.நேரு

வியாழக்கிழமை, 21 நவம்பர் 2024      தமிழகம்
KN-Nehru 2023 04 01

திருச்சி, தமிழகத்தில் சொத்துவரி சாமானிய மக்களுக்கு உயர்த்தப்படவில்லை  என்று அமைச்சர் கே.என்.நேரு தெரிவித்தார். 

திருச்சியில் நேற்று நடைபெற்ற அரசு நலத்திட்ட உதவிகள் வழங்கும் விழாவில் கலந்துகொண்ட அமைச்சர் கே.என்.நேரு பின்னர் செய்தியாளர்களிடம் கூறியதாவது, 

தமிழகத்தில் சொத்துவரி சாமானிய மக்களுக்கு உயர்த்தப்படவில்லை. 10, 15 ஆண்டு காலம் உயர்த்தாமல் இருந்த சொத்து வரியை திடீரென்று அதிகப்படியாக உயர்த்தினால் மக்கள் சிரமப்படுவார்கள் என்பதற்காக சொத்து வரியை உயர்த்துவதற்காக புதிய வழிமுறைகளை நகராட்சி நிர்வாகத் துறை எடுத்துள்ளது.  600 சதுர அடிக்கு கீழே உள்ள கட்டிடங்களுக்கு சொத்து வரி உயர்வு இல்லை. 600-ல் இருந்து, 1200 சதுரடி உள்ளவர்களுக்கு, 25 சதவீதத்திலிருந்து, 35 சதவீதம் வரையிலும், 1,200 சதுர அடியில் இருந்து, 1,800 சதுரஅடி வரை, 50 சதவீதம், 1,800-ல் இருந்து, 2,400 சதுர அடி வரை, 70 சதவீதம், அதற்கும் மேல் பரப்பளவு கொண்ட கட்டிடங்களுக்கு 100 சதவீதம் என சொத்து வரி நிர்ணயம் செய்யப்பட்டது. 

ஆண்டுக்கு, 6 சதவீதம் சொத்து வரி உயர்த்த சட்டம் இயற்றப்பட்டுள்ளது. இயற்கை பேரிடர் மற்றும் மழைக் காலங்களில் அதை நிறுத்தி வைப்பது அரசாங்கத்தின் வழக்கம். அதனால் தொடர்ந்து தமிழகத்தில் பல இடங்களில் சொத்துவரி பெரிதாக உயர்த்தப்படவில்லை.  மழைக்காலம் முடிந்த பிறகு அனைத்து பகுதிகளிலும் புதிய சாலைகள் அமைக்கும் பணி தொடங்கும். மழைக் காலத்தில் சாலை அமைத்தால் சரியாக இருக்காது. சாலை சேதமாகிவிடும். அதனால் புதிய சாலை அமைக்க கொஞ்சம் தாமதம் ஏற்படுகிறது.

கோவை, ஆவடி மாநகராட்சிகளைத் தொடர்ந்து திருச்சியிலும் வீடு, வணிக நிறுவனங்களுக்கு மீட்டர் பொருத்தி 24 மணி நேரமும் குடிநீர் வழங்கும் திட்டம் விரைவில் நடைமுறைப்படுத்தப்பட உள்ளது. திருச்சியில் சில பகுதிகளில் மட்டும் முதலில் இத்திட்டம் சோதனை முறையில் நடைமுறைப்படுத்தப்படும். எதிர்க்கட்சிகள் சொல்வதுபோல் தமிழகத்தில் சட்டம் ஒழுங்கு சீர் கெட்டு போய்விடவில்லை.

தேர்தல் வர உள்ளதால் அரசியல் செய்வதற்காக இதுபோன்று பேசுகிறார்கள். அதெல்லாம் உண்மை இல்லை. 

தமிழகத்தில் சட்டம் - ஒழுங்கு சிறப்பாக உள்ளது. திருச்சிக்கு ஆய்வுக் கூட்டம் நடத்த தமிழக முதல்வர் விரைவில் வருவதாக கூறியிருக்கிறார். திருச்சி பஞ்சப்பூர் பகுதியில் அமைய உள்ள புதிய ஒருங்கிணைந்த பேருந்து முனையம், மணப்பாறை சிப்காட் தொழிற்பேட்டையில் 5 ஆயிரம் பேருக்கு வேலை வாய்ப்பு வழங்கும் புதிய தொழிற்சாலை போன்ற அனைத்து திட்டங்களையும் முதல்வர் விரைவில் தொடங்கி வைப்பார். அதற்காக அவரிடம் தேதி கேட்டிருக்கிறோம். பஞ்சப்பூர் பேருந்து முனையம் பொங்கல் பண்டிகைக்குள் திறப்பதற்காக வேலைகள் தீவிரமாக நடைபெற்று வருகிறது. குடியிருப்பு பகுதிகளை வணிக வளாகம் ஆக மாற்றினால் அவர்களுக்கு வணிக பயன்பாட்டுக்கான வரி வசூல் செய்யப்படும்  என்று அவர் கூறினார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 4 months 3 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 4 months 3 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 5 months 3 weeks ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 5 months 3 weeks ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 7 months 3 weeks ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 7 months 3 weeks ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.