வங்கக் கடலில் காற்றழுத்த தாழ்வு நிலை: தமிழகம்- புதுச்சேரியில் மழைக்கு வாய்ப்பு: வானிலை ஆய்வு மையம் அறிவிப்பு

சென்னை, வங்கக் கடலில் நிலவிய ஆழ்ந்த காற்​றழுத்த தாழ்வு பகுதி காற்​றழுத்த தாழ்வு மண்டலமாக வலுப்​பெற்று, மேற்கு மத்திய வங்கக் கடல் பகுதியில் ஆந்திர கடலோரப் பகுதியை ஒட்டி நிலவி வருகிறது. இது ஆந்திர மாநிலம் விசாகப்பட்டினத்துக்கு தெற்கே 450 கி.மீ. தொலைவிலும், சென்னைக்கு வடகிழக்கே 390 கி.மீ. தொலைவிலும் உள்ளது. இது கடந்த 6 மணி நேரமாக மணிக்கு 5 கி.மீ. வேகத்தில் வடகிழக்கு திசையில் நகர்கிறது. அடுத்த 24 மணி நேரத்தில் தொடர்ந்து வடகிழக்கு திசையில் நகர கூடும் என வானிலை ஆய்வுமையம் கணித்துள்ளது.

இதன் காரணமாக வருகிற 26-ம் தேதி வரை தமிழ்நாட்டில் ஓரிரு இடங்களில் லேசானது முதல் மிதமான மழை பெய்யக்​கூடும் எனவு கணிக்கப்பட்டுள்ளது. அதன்படி சென்னையில் பெரும்பாலான இடங்களில் மழை வெளுத்து வாங்கியது. நேற்று காலை முதல் மழை கொட்டி தீர்த்த நிலையில் பிற்பகலில் வெயில் எட்டி பார்த்தது.