செய்முறை ;

1. மிக்சி  ஜாரில் 3 பச்சை மிளகாய், ஒரு ஸ்பூன் சீரகம், பூண்டு 6 பல், ஒரு துண்டு இஞ்சியை பொடியா நறுக்கி போட்டு நன்றாக அரைத்து வைத்துக்கொள்ளவும்.
2. ஒரு பாத்திரத்தில் பொடியாக நறுக்கிய 200 கிராம்  பன்னீரை எடுத்துக்கொண்டு அதில்  மிக்சியில் அரைத்த மசாலா கலவையை போட்டு நன்றாக கலந்து வைத்துக்கொள்ளவும்.
3. இதனுடன் 2 டீஸ்பூன் மிளகாய் தூள் மற்றும் தேவையெனில் சிகப்பு கலர் பொடி ஒரு சிட்டிகையை தண்ணீரில் கரைத்து ஊற்றி நன்றாக கலந்து விட்டு ஒரு மணி நேரம் பன்னீரை ஊற வைக்கவும்.
4. மிக்சி  ஜாரில் பொடியாக நறுக்கிய 3 தக்காளியை போட்டு நன்றாக அரைத்து வைத்துக்கொள்ளவும்.
5. அடுப்பில் கடாய் வைத்து 2 ஸ்பூன் நெய் ஊற்றவும்,நெய் சூடானவுடன்  3 பெரிய வெங்காயத்தை போட்டு பொன்னிறமாக வதக்கவும்.
6. இதனுடன் பொடியாக நறுக்கிய 2 குடைமிளகாய் ஒரு டீஸ்பூன் மிளகாய்தூள், ஒரு டீஸ்பூன் மல்லித்தூள் மற்றும் மிக்சி  ஜாரில் அரைத்து வைத்துள்ள தக்காளி விழுதை  ஊற்றி நன்றாக வதக்கவும்.
7. இதனுடன் ஒரு டீஸ்பூன் சோயா சாஸ் மற்றும் மசாலா கலந்து ஊறவைத்த பன்னீரை போட்டு வதக்கவும்.
8. ஒரு டீஸ்பூன் கார்ன் பிளவர் மாவை தண்ணீரில் கரைத்து ஊற்றி கலந்து விட்டு நன்றாக வதக்கவும்.
9. இப்போது,அடுப்பில் இருந்து இறக்கி விடலாம்,
10. சுவையான சில்லி தக்காளி பன்னீர் ரெடி.