அக்டோபர் 3-வது வாரத்தில் நடக்கிறது த.வெ.க. மாநாடு

சென்னை, தமிழக வெற்றிக்கழகத்தின் முதல் மாநாட்டின் தேதி மாற்றப்பட்டுள்ளதாகத் தகவல் வெளியாகியுள்ளது. அக்டோபர் 3-வது வாரத்தில் நடக்கவுள்ளதாக தகவல் வெளியாகியுள்ளது.

விழுப்புரம் மாவட்டம், விக்கிரவாண்டியை அடுத்த வி.சாலையில் செப்.23-ஆம் தேதி கட்சியின் முதல் மாநாடு நடைபெறவுள்ளதாகவும், மாநாடு நடைபெறும் தேதியை விஜய் அதிகாரபூர்வமாக அறிவிப்பார் என்றும் முன்னதாக தகவல் வெளியானது.

இதனிடையே தமிழக வெற்றி கழகத்தின் முதல் மாநாடு விக்கிரவாண்டியில் நடைபெறவுள்ளதை முன்னிட்டு, கட்சியின் முக்கிய நிர்வாகிகளுடன் அதன் தலைவர் விஜய் திங்கள்கிழமை ஆலோசனை நடத்தியிருந்தார். சென்னை நீலாங்கரையில் உள்ள விஜய் இல்லத்தில் நடைபெற்ற இந்தக் கூட்டத்தில், மாநாடு தொடர்பான முக்கிய முடிவுகள் எடுக்கப்பட்டதாகத் தெரிவிக்கப்பட்டது.

இந்த நிலையில், த.வெ.க. மாநாட்டை நடத்துவதற்கான கால அவகாசம் குறைவாக இருப்பதால், அக்டோபர் மூன்றாவது வாரத்தில் மாநாட்டை நடத்த திட்டமிட்டு இருப்பதாக தகவல்கள் வெளியாகியுள்ளது. .