இந்திய தலைமை தேர்தல் ஆணையர் அரோரா தடுப்பூசி போட்டுக்கொண்டார்

புதுடெல்லி : இந்திய தலைமை தேர்தல் ஆணையர் சுனில் அரோரா, தேர்தல் கமிஷனர்கள் சுஷில் சந்திரா, ராஜீவ்குமார் ஆகியோர்  கொரோனா தடுப்பூசி போட்டுக் கொண்டனர்.

டெல்லியில் உள்ள தேர்தல் ஆணைய தலைமையகமான நிர்வாச்சன் சதனில் பணிபுரியும் அதிகாரிகள், ஊழியர்களுக்கு கொரோனா தடுப்பூசி போடும் பணி கடந்த 4-ம் தேதி தொடங்கியது. முதல் நபராக, முன்னாள் தலைமை தேர்தல் ஆணையர் எம்.எஸ்.கில் தடுப்பூசி போட்டுக் கொண்டார். 

இந்நிலையில், தலைமை தேர்தல் கமிஷனர் சுனில் அரோரா,தேர்தல் கமிஷனர்கள் சுஷில் சந்திரா, ராஜீவ்குமார் ஆகியோர் நேற்று கொரோனா தடுப்பூசியின் முதல் டோஸை போட்டுக் கொண்டனர்.

5 மாநிலங்களில் தேர்தல் பணியாற்றும் அலுவலர்களுக்கான சிறப்பு தடுப்பூசி திட்டத்தின்கீழ், லட்சக்கணக்கானோருக்கு தடுப்பூசி போடப்பட உள்ளது குறிப்பிடத்தக்கது.