ஷமி குறித்து பும்ரா பதில்

முதல் டெஸ்ட் போட்டி தொடங்குவதற்கு முன் இரு அணிகளின் கேப்டன்களும் ஒன்றாக இணைந்து பார்டர் - கவாஸ்கர் கோப்பையை அறிமுகம் செய்து வைத்தனர். அதன்பின் நடைபெற்ற பத்திரிகையாளர் சந்திப்பில் கலந்து கொண்டனர். அதில் முகமது ஷமி அணிக்கு திரும்புவது குறித்து கேட்கப்பட்டது. அதற்கு பதிலளித்த பும்ரா, "ஷமி பாய் விளையாடத் தொடங்கியுள்ளார். 

அவர் எங்களுடைய அணியின் முக்கியமான வீரர். அவர் மீது இந்திய அணி நிர்வாகம் நெருக்கமான கண்களை வைத்திருக்கும் என்று உறுதியாக சொல்வேன். எனவே விஷயங்கள் சரியாக இருந்தால் அவர் இங்கே விளையாடுவதை உங்களால் விரைவில் பார்க்க முடியும்" என்று கூறினார்.  முன்னதாக காயத்திலிருந்து மீண்டு வந்த முகமது ஷமி தற்போது உள்ளூர் தொடர்களில் விளையாடி வருவது குறிப்பிடத்தக்கது. 

_______________________________________________________________________

பண்ட்டிடம் லியோன் கேள்வி 

ஆஸ்திரேலியாவில் சுற்றுப்பயணம் மேற்கொண்டுள்ள இந்திய கிரிக்கெட் அணி 'பார்டர்-கவாஸ்கர்' கோப்பைக்கான 5 போட்டிகள் கொண்ட டெஸ்ட் தொடரில் விளையாடுகிறது. இதன்படி இவ்விரு அணிகளுக்கு இடையிலான முதலாவது டெஸ்ட் போட்டி பெர்த்தில் உள்ள ஆப்டஸ் ஸ்டேடியத்தில் நேற்று தொடங்கியது. 

இந்த நிலையில் இந்த போட்டியின் போது ரிஷப் பண்ட்டிடம்..டிடம் ஐபிஎல் ஏலத்தில் எந்த அணிக்கு செல்ல போகிறீர்கள் என ஆஸ்திரேலிய வீரர் நாதன் லியோன் கேள்வி எழுப்பினார் இதற்கு பதிலளித்த பண்ட் எந்த யோசனையும் இல்லை என தெரிவித்தார். இது தொடர்பான வீடியோ இணையத்தில் அதிகம் வைரலாகி வருகிறது . ஐபிஎல் ஏலம் வரும் 24,25-ம் தேதிகளில் நடைபெற உள்ளது.

_______________________________________________________________________

ஜஸ்ப்ரிட் பும்ராவுக்கு பாராட்டு 

முதல் டெஸ்ட்டின் முதல் நாளில் அபார பந்துவீச்சை வெளிப்படுத்திய ஜஸ்பிரித் பும்ராவை, இலங்கை அணியின் முன்னாள் வேகப் பந்துவீச்சாளர் லாசித் மலிங்கா பாராட்டியுள்ளார். இது தொடர்பாக அவரது எக்ஸ் வலைத்தளப் பக்கத்தில் அவர் பதிவிட்டிருப்பதாவது: ஜஸ்பிரித் “உலகின் சிறந்த வீரர்” பும்ரா எனப் பதிவிட்டுள்ளார்.

_______________________________________________________________________

மே.இ.தீவுகள் அணி அறிவிப்பு

வங்கதேச அணி மேற்கிந்தியத் தீவுகளில் சுற்றுப்பயணம் மேற்கொண்டு 2 டெஸ்ட், 3 ஒருநாள் மற்றும் 3 டி20 போட்டிகள் கொண்ட தொடர்களில் விளையாடவுள்ளது. இரு அணிகளுக்கும் இடையிலான டெஸ்ட் தொடர் முதலில் நடைபெறுகிறது. இரு அணிகளுக்கும் இடையிலான முதல் டெஸ்ட் போட்டி ஆண்டிகுவாவில் நடைபெறுகிறது.

இந்த நிலையில், வங்கதேசத்துக்கு எதிரான முதல் டெஸ்ட் போட்டிக்கான பிளேயிங் லெவனை மேற்கிந்தியத் தீவுகள் கிரிக்கெட் வாரியம் அறிவித்துள்ளது. முதல் டெஸ்ட் போட்டிக்கான மேற்கிந்தியத் தீவுகள் பிளேயிங் லெவன்,  கிரைக் பிராத்வெயிட் (கேப்டன்), அலிக் அதனாஸ், கீஸி கார்ட்டி, ஜோஷ்வா டா சில்வா, ஜஸ்டின் கிரீவ்ஸ், காவெம் ஹாட்ஜ், அல்சாரி ஜோசப், ஷமர் ஜோசப், மிக்கில் லூயிஸ், கீமர் ரோச் மற்றும் ஜேடன் சீல்ஸ்.