நீர்வரத்து அதிகரிப்பு: செம்பரம்பாக்கம் ஏரியின் நீர்மட்டம் 20 அடியை எட்டியது

சென்னை : நீர்வரத்து அதிகரிப்பை தொடர்ந்து செம்பரம்பாக்கம் ஏரியின் நீர்மட்டம் 20 அடியை எட்டியுள்ளது. தொடர்ந்து ஏரிக்கு வரும் நீரின் அளவை அதிகாரிகள் எவ்வாறு கண்காணித்து வருகின்றனர்.

பெஞ்சல் புயல் தாக்கத்தின் காரணமாக பெய்து வரும் கனமழையால் செம்பரம்பாக்கம் ஏரிக்கு நேற்று முன்தினம் காலை முதலே நீர் வரத்தானது தொடர்ந்து அதிகரித்த வண்ணம் இருந்தது. நேற்று முன்தினம் மாலை நேர நிலவரப்படி செம்பரம்பாக்கம் ஏரியின் நீர்மட்டம் 19.47அடியும் மொத்த கொள்ளளவு 2 ஆயிரத்து 474 மில்லியன் கன அடியும், நீர்வரத்து 5 ஆயிரத்து 356 கன அடியாக இருந்தது. 

வினாடிக்கு வினாடி செம்பரம்பாக்கம் ஏரிக்கு வரும் நீரின் அளவு அதிகரித்து வருவதன் காரணமாக நீர்மட்டம் கிடு, கிடுவென உயர்ந்து வருகிறது. இந்த நிலையில், செம்பரம்பாக்கம் ஏரியின் நீர்மட்டம் தற்போது 20 அடியை எட்டி உள்ளது. செம்பரம்பாக்கம் ஏரியில் கடந்த 24 மணி நேரத்தில் 13 செ.மீ. மழை பதிவாகியுள்ளது. 

மழைவிட்டாலும் பல்வேறு பகுதிகளில் இருந்து ஏரிக்கு வரும் நீர்வரத்து தொடர்ந்து அதிகரித்த வண்ணம் உள்ளதால் தொடர்ந்து ஏரியின் நீர்மட்டம் வேகமாக உயர்ந்து வருவது குறிப்பிடத்தக்கது.  தொடர்ந்து ஏரிக்கு வரும் நீரின் அளவை அதிகாரிகள் எவ்வாறு கண்காணித்து வருகின்றனர் என்பது குறித்தும் கேட்டறிந்தனர்.