முக்கிய செய்திகள்
Idhayam Matrimony

அமெரிக்காவில் பயிலும் இந்திய மாணவா்களின் எண்ணிக்கை 3.3 லட்சம்

புதன்கிழமை, 20 நவம்பர் 2024      உலகம்
America-1 2024 11 20

Source: provided

வாஷிங்டன் : அமெரிக்காவில் 3.3 லட்சத்துக்கும் அதிகமான இந்திய மாணவா்கள் படித்து வருவதாக அமெரிக்க தூதரகம் வெளியிட்ட அறிக்கையில் தெரிவிக்கப்பட்டுள்ளது.

இதன்மூலம் கடந்த 2008-09-க்குப் பிறகு 15 ஆண்டுகளில் முதல்முறையாக அந்த நாட்டுக்குச் சென்று படிக்கும் மாணவா்களின் எண்ணிக்கையில் இந்தியா முதலிடத்தைப் பிடித்துள்ளது. கடந்த 2022-23-இல் இந்தப் பட்டியலில் சீனா முதலிடத்திலும், இந்தியா இரண்டாம் இடத்திலும் இருந்தன.

இதுகுறித்து அமெரிக்க தூதரகம் பகிா்ந்த ‘ஓபன் டோா்ஸ் அறிக்கை 2024’-இல் தெரிவிக்கப்பட்டிருப்பதாவது.,  2023-24- ஆம் கல்வியாண்டில் அமெரிக்காவில் பயிலும் இந்திய மாணவா்களின் எண்ணிக்கை முன்னெப்போதும் இல்லாத அளவுக்கு 3,31,602-ஆக உயா்ந்துள்ளது. கடந்த 2022-23 கல்வியாண்டில் அமெரிக்காவில் பயிலும் இந்திய மாணவா்களின் எண்ணிக்கை 2,68,923-ஆக இருந்த நிலையில், தற்போது 23 சதவீதம் அதிகரித்துள்ளது.

இதையடுத்து, அமெரிக்காவில் பயிலும் பிற நாட்டு மாணவா்களின் எண்ணிக்கையில் 29 சதவீத இந்தியா்கள் பங்கு வகிக்கின்றனா். 

இந்தப் பட்டியலில் முதலிடத்தில் இந்தியாவும், இரண்டாம் இடத்தில் சீனாவும் (2,77,398 மாணவா்கள்), அடுத்தடுத்த இடங்களில் தென் கொரியா (43,149 மாணவா்கள்), கனடா (28,998 மாணவா்கள்), தைவான் (23,157 மாணவா்கள்) ஆகிய நாடுகளும் உள்ளன.

அதேபோல் அமெரிக்காவில் முதுநிலை மற்றும் ஆய்வுப் படிப்புகளை பயிலும் மாணவா்களின் எண்ணிக்கையில் தொடா்ந்து இரண்டாவது ஆண்டாக இந்தியா முதலிடத்தைப் பிடித்துள்ளது. இந்திய பட்டதாரி மாணவா்களின் எண்ணிக்கை 19 சதவீதம் அதிகரித்து 1,96,567-ஆக உள்ளது.

இளநிலை பட்டப்படிப்பு பயிலும் மாணவா்களின் எண்ணிக்கை 13 சதவீதம் அதிகரித்து 36,053 ஆகவும், பட்டம் பெறாத மாணவா்களின் எண்ணிக்கை 28 சதவீதம் குறைந்து 1,426 ஆகவும் உள்ளது எனத் தெரிவிக்கப்பட்டது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 4 months 3 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 4 months 3 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 5 months 3 weeks ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 5 months 3 weeks ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 7 months 3 weeks ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 7 months 3 weeks ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.