இன்டியா கூட்டணிக்கு மம்தாவை ஏன் தலைவராக்க கூடாது திரிணமுல் காங்கிரஸ் கேள்வி

கொல்கத்தா:  'மம்தாவை இன்டியா கூட்டணி தலைவராக்க வேண்டும். காங்கிரஸால் பா.ஜ.,வை தோற்கடிக்க முடியாது' என திரிணமுல் காங்கிரஸ் தெரிவித்துள்ளது.

மேற்கு வங்கத்தில் 6 சட்டசபை தொகுதிகளுக்கு இடைத்தேர்தல் நடந்தது. ஆளும் திரிணமுல் காங்கிரஸ் கட்சி 6 தொகுதிகளிலும் வெற்றி பெற்று சாதனை படைத்தது. இது அக்கட்சி தொண்டர்களை உற்சாகத்தில் ஆழ்த்தியது. இது தொடர்பாக, அக்கட்சி மூத்த தலைவர் கல்யாண் பானர்ஜி நிருபர்கள் சந்திப்பில் கூறியதாவது: முதலில் ஹரியானாவிலும், இப்போது மஹாராஷ்டிராவிலும் காங்கிரஸ் போராடி தோல்வி அடைந்தது. ஆனால், பா.ஜ.,வை மம்தா மற்றும் ஜார்க்கண்ட் முக்தி மோர்ச்சா கட்சியால் தோற்கடிக்க முடிந்தது. காங்கிரஸால் பா.ஜ.,வை தோற்கடிக்க முடியாது. 

மம்தாவை இன்டியா கூட்டணி தலைவராக்க வேண்டும். தொடர்ந்து தோல்விகளை சந்தித்து வருவதால், காங்கிரஸ் ஏன் தனது ஈகோவை ஒதுக்கி வைத்துவிட்டு, இன்டியா கூட்டணியை வழிநடத்தும் பொறுப்பை மம்தா பானர்ஜியிடம் ஒப்படைக்கவில்லை? அவரால் மட்டுமே பா.ஜ.,வை தோற்கடிக்க முடியும். இவ்வாறு அவர் கூறினார்.