முக்கிய செய்திகள்
Idhayam Matrimony

நெல்லையில் கொட்டப்பட்ட கேரள மருத்துவ கழிவுகள் முற்றிலும் அகற்றம்

ஞாயிற்றுக்கிழமை, 22 டிசம்பர் 2024      தமிழகம்
nellai 2024-12-22

Source: provided

நெல்லை: லாரிகளில் ஏற்றப்பட்ட மருத்துவ கழிவுகள் தமிழக காவல்துறையின் கண்காணிப்புடன் கேரள எல்லை வரை கொண்டு செல்லப்பட்டன.

கேரளா மாநிலத்தில் இருந்து மருத்துவ கழிவுகளை மூட்டை மூட்டையாக லாரிகளில் கொண்டு வந்து நெல்லை மாவட்டம் கோடகநல்லூர், சீதப்பற்றப்பநல்லூர், பழவூர், சிவனார்குளம், நடுக்கல்லூர் மற்றும் கொண்டாநகரம் ஆகிய பகுதிகளில் கொட்டிச் சென்ற சம்பவம் பெரும் பரபரப்பை ஏற்படுத்தியது. இது தொடர்பாக சுத்தமல்லி போலீசாருக்கு புகார்கள் வந்தன. இந்த பிரச்சினை பூதாகரமாக வெடித்ததை தொடர்ந்து சுத்தமல்லி போலீசார் 6 வழக்குகளை பதிவு செய்துள்ளனர்.

இந்த விவகாரம் தொடர்பாக இதுவரை 5 பேர் கைது செய்யப்பட்டுள்ளதாக நெல்லை மாவட்ட கலெக்டர் காத்திகேயன் தெரிவித்தார். இதனிடையே பசுமை தீர்ப்பாயம், மருத்துவ கழிவுகளை கேரள மாநில அரசே அப்புறப்படுத்த உத்தரவிட்டது. இதையடுத்து கேரள மாநில மாசு கட்டுப்பாட்டு வாரிய அதிகாரிகள் நேரில் வந்து ஆய்வு நடத்தினர்.

இதைத் தொடர்ந்து மருத்துவ கழிவுகளை அகற்றுவதற்காக திருவனந்தபுரம் உதவி கலெக்டர் தலைமையில் 30 பேர் கொண்ட குழு கேரளாவில் இருந்து நெல்லை வந்தனர். பின்னர் தமிழக மாசு கட்டுப்பாட்டு அதிகாரிகளுடன், கேரள மாசு கட்டுப்பாட்டு அதிகாரிகள் ஆலோசனை நடத்தினர்.

இதையடுத்து, நெல்லை மாவட்டத்தில் 6 இடங்களில் கொட்டப்பட்ட கேரள மருத்துவ கழிவுகளை அகற்றும் பணி முழுவீச்சில் தொடங்கியது. மருத்துவ கழிவுகள் சுமார் 15-க்கும் மேற்பட்ட லாரிகளில் ஏற்றப்பட்டன. கழிவுகள் கொட்டப்பட்ட இடங்களில் கிருமி நாசினி தெளிக்கப்பட்டுள்ளது. இதுவரை 4 இடங்களில் கழிவுகள் முற்றிலுமாக அகற்றப்பட்டுள்ளன.

மேலும் கொண்டாநகரம் மற்றும் பழவூர் ஆகிய இடங்களில் கொட்டப்பட்ட மருத்துவ கழிவுகளும் வேகமாக அகற்றப்பட்டு வருகின்றன. அந்த கழிவுகளும் மொத்தமாக அகற்றப்பட்டு, சுமார் 20 லாரிகளில் தமிழக காவல்துறை கண்காணிப்புடன் கேரள எல்லை வரை கொண்டு செல்லப்பட உள்ளன. பின்னர் அங்கிருந்து திருவனந்தபுரம் வழியாக எர்ணாகுளத்தில் உள்ள கழிவுகள் மேலாண்மை மையத்திற்கு கொண்டு செல்லப்படும் என தெரிவிக்கப்பட்டுள்ளது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 5 months 4 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 5 months 4 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 6 months 4 weeks ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 6 months 4 weeks ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 8 months 4 weeks ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 8 months 4 weeks ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.