முக்கிய செய்திகள்
Idhayam Matrimony

ஊழல் வழக்கில் இருந்து வங்கதேச முன்னாள் பிரதமர் சிறையில் இருந்து விடுதலை

புதன்கிழமை, 27 நவம்பர் 2024      உலகம்
Kalida-Zia-2024-11-27

டாக்கா, ஊழல் வழக்கில் இருந்து வங்காளதேச முன்னாள் பிரதமர் கலிதா ஜியா விடுதலை செய்யப்பட்டுள்ளார்.

வங்காளதேசத்தின் பிரதமராக கலிதா ஜியா கடந்த 1991 முதல் 1996 வரையிலும், அதன் பிறகு 2001 முதல் 2006 வரையிலும் பதவி வகித்தார். இவர் தனது பதவி காலத்தின்போது 'ஜியா அறக்கட்டளை' என்ற தொண்டு நிறுவனத்தின் மூலம், அதிகாரத்தை தவறாக பயன்படுத்தி பணம் சேர்த்ததாக குற்றச்சாட்டு எழுந்தது. இது தொடர்பாக கலிதா ஜியா உள்பட 4 பேர் மீது 2011-ம் ஆண்டு ஊழல் வழக்கு பதிவு செய்யப்பட்டது.

இந்த வழக்கில் கலிதா ஜியாவுக்கு 7 ஆண்டுகள் சிறை தண்டனை விதித்து கடந்த 2018-ம் ஆண்டு டாக்கா கோர்ட்டு உத்தரவிட்டது. பின்னர் அந்த தண்டனை 10 ஆண்டுகளாக உயர்த்தப்பட்டது. இதற்கிடையில், 'ஜியா ஆதரவற்றோர் இல்ல அறக்கட்டளை' என்ற தொண்டு நிறுவனம் மூலம் மோசடி செய்ததாக கூறி, மற்றொரு வழக்கில் கலிதா ஜியாவுக்கு 5 ஆண்டுகள் சிறை தண்டனை விதிக்கப்பட்டது.

இதையடுத்து சுமார் 776 நாட்கள் சிறையில் இருந்த கலிதா ஜியா, கொரோனா ஊரடங்கு உள்ளிட்ட காரணங்களால் 2020-ம் ஆண்டு மார்ச் 25-ந்தேதி வீட்டு சிறைக்கு மாற்றப்பட்டார். இதனை தொடர்ந்து, வங்காளதேச பிரதமர் ஷேக் ஹசினா பதவி விலகி ஆட்சி மாற்றம் நடந்த நிலையில், கடந்த ஆகஸ்ட் 6-ந்தேதி முகமது யூனிஸ் தலைமையிலான இடைக்கால அரசு கலிதா ஜியாவை விடுதலை செய்ய உத்தரவு பிறப்பித்தது.

இதனிடையே டாக்கா கோர்ட்டு பிறப்பித்த 7 ஆண்டு சிறை உத்தரவு தொடர்பாக கலிதா ஜியா தாக்கல் செய்திருந்த மேல்முறையீட்டு மனு மீதான விசாரணை கோர்ட்டில் நடைபெற்று வந்தது. அந்த மனுவை விசாரித்த நீதிபதிகள், ஊழல் வழக்கில் இருந்து கலிதா ஜியாவை விடுதலை செய்து உத்தரவிட்டுள்ளனர். 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 5 months 3 days ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 5 months 3 days ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 6 months 3 days ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 6 months 3 days ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 8 months 3 days ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 8 months 3 days ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.