பொங்கல் பண்டிகையையொட்டி பெங்களூரு - சென்னைக்கு சிறப்பு ரயில்கள் அறிவிப்பு

சென்னை: தமிழ்நாட்டில் பொங்கல் பண்டிகை வருகிற 14-ம் தேதி கொண்டாடப்படுகிறது. இதையொட்டி தெற்கு ரெயில்வே சிறப்பு ரெயில்களை அறிவித்து வருகிறது. இந்நிலையில் பெங்களூரு- தூத்துக்குடி, பெங்களூரு - சென்னை, எர்ணாகுளம் - சென்னைக்கு இரு வழித்தடங்களிலும் சிறப்பு ரெயில்கள் அறிவிக்கப்பட்டுள்ளன.

அதன்படி வருகிற 10-ம் தேதி சிறப்பு ரெயில்(07319) பெங்களூ ருவில் இருந்து காலை 8.05 மணிக்கு புறப்பட்டு பிற்பகல் 2.40 க்கு சென்னை சென்ட்ரல் ரெயில் நிலையத்தை அடையும். அன்றைய தினம் சென்னையில் இருந்து பிற்பகல் 3.40 மணிக்கு புறப்படும் ரெயில்(07320) இரவு 10.50-க்கு பெங்களூருவை சென்றடையும்.

10-ம் தேதி சிறப்பு ரெயில்(06569) பெங்களூருவில் இருந்து இரவு 10 மணிக்கு புறப்பட்டு மறுநாள்  11-ம் தேதி சனிக்கிழமை காலை 11 மணிக்கு தூத்துக்குடியை சென்றடையும். மறுமார்க்கமாக சனிக்கிழமை பிற்பகல் 1 மணிக்கு தூத்துக்குடியில் இருந்து புறப்பட்டு 12-ம் தேதி ஞாயிற்றுக்கிழமை காலை 6.30 மணிக்கு மைசூரு வரை செல்லும். 16-ம் தேதி எர்ணாகுளத்தில் இருந்து மாலை 6.15 -க்கு புறப்படும் ரெயில் (06046) மறுநாள் வெள்ளிக்கிழமை காலை 8.30 க்கு சென்னையை அடையும்.

மறுமார்க்கமாக 17-ம் தேதி சென்னை சென்ட்ரல் ரெயில் நிலையத்தில் இருந்து காலை 10.30 மணிக்கு புறப்படும் ரெயில்(06047) இரவு 11 மணிக்கு எர்ணாகுளம் சென்றடையும். 15-ம் தேதி( புதன்கிழமை) திருவனந்தபுரத்தில் இருந்து காலை 4.25 -க்கு புறப்படும் ரெயில் (06058) அன்று இரவு 11 மணிக்கு சென்னை சென்ட்ரல் ரெயில் நிலையத்தை அடையும். மறுமார்க்கமாக  16-ம் தேதி நள்ளிரவு 1 மணிக்கு சென்னை சென்ட்ரல் ரெயில் நிலையத்தில் இருந்து புறப்படும் ரெயில்(06047) இரவு 8 மணிக்கு திருவனந்தபுரம் சென்றடையும். இவ்வாறு தெரிவிக்கப்பட்டுள்ளது.