ஆர்.ஜே.பாலாஜி நடிக்கும் சொர்க்கவாசல்

ஆர்.ஜே பாலாஜி நடிப்பில் அறிமுக இயக்குநர் சித்தார்த் விஸ்வநாத் இயக்கத்தில் உருவாகியுள்ள படம் சொர்க்கவாசல். ஸ்வைப் ரைட் ஸ்டூடியோஸ் மற்றும் திங் ஸ்டூடியோஸ் நிறுவனங்கள் இணைந்து தயாரித்துள்ள இப்படத்தில் செல்வராகவன், நட்டி, கருணாஸ், சானியா ஐயப்பன் உள்ளிட்ட பலர் நடித்துள்ளனர்.

கிறிஸ்டோ சேவியர் இசையமைத்துள்ள இப்படம் சிறை வாழ்க்கையை மையப்படுத்தி உருவாகியுள்ளது. சமீபத்தில் இப்படத்தின் ஃபர்ஸ்ட் லுக் போஸ்ட்டர் மற்றும் டீசர் வெளியாகி பலரது கவனத்தை ஈர்த்தது. இப்படம் வருகிற 29ஆம் தேதி வெளியாகவுள்ள நிலையில் இப்படத்தின் ட்ரைலர் வெளியீட்டு விழா சமீபத்தில் நடைபெற்றது.

இதில் படக்குழுவினருடன் லோகேஷ் கனகராஜ், அனிருத் உள்ளிட்ட திரை பிரபலங்களும் கலந்து கொண்டனர். இந்த விழாவில் செல்வராகவன் பேசுகையில், “படத்தின் ஸ்கிரிப்ட்டை படித்து விட்டு எப்படி இது மாதிரி எழுத முடியும் என யோசித்தேன். படப்பிடிப்பு முடியும் வரை எப்படி எழுதினீர்கள் என ஸ்கிரிப் ரைட்டர்களிடம் கேட்டுக் கொண்டே இருந்தேன். ரொம்ப கோவம் வந்தது. ஏனென்றால் எனக்கு இது மாதிரி எழுத வாய்ப்பு கிடைத்தால் நிச்சயம் எழுதியிருப்பேன்.

இப்படி ஒரு ஸ்கிரிப்ட் எப்படி எழுத முடியும் என இப்போது வரை என்னால் நம்பமுடியவில்லை. எதையும் மிகைப்படுத்தி சொல்லவில்லை. படம் பார்க்கும் போது உங்களுக்கு புரியும். என்றார்.