ஒரே நாடு ஒரே தேர்தல் விவகாரம்: கொஞ்சம் கொஞ்சமாக வலுவிழக்கும் : தி.மு.க. எம்.பி. கனிமொழி கருத்து

புதுடெல்லி : ஒரே நாடு ஒரே தேர்தல் விவகாரம் கொஞ்சம் கொஞ்சமாக வலுவிழக்கும் என்று தி.மு.க. எம்.பி. கனிமொழி தெரிவித்துள்ளார்.

ஒரே நாடு ஒரே தேர்தல் திட்டம் தொடர்பான சட்ட மசோதா பாராளுமன்ற மக்களவையில் நேற்று தாக்கல் செய்யப்பட்டது. மசோதாவிற்கு ஆரம்ப நிலையிலயே காங்கிரஸ் உள்ளிட்ட கட்சிகள் கடும் எதிர்ப்பு தெரிவித்துள்ளன. எதிர்க்கட்சிகள் கடும் எதிர்ப்பு தெரிவிப்பதால், இந்த மசோதா நாடாளுமன்ற நிலைக்குழு பரிசீலனைக்கு அனுப்பி வைக்கப்பட்டது.

இந்த நிலையில், டெல்லியில் செய்தியாளர்களுக்கு பேட்டி அளித்த தி.மு.க. எம்.பி கனிமொழி கூறியதாவது, ஒரே நாடு ஒரே தேர்தல் மசோதா மாநில உரிமைகளுக்கு எதிரானது. மாநில கட்சிகளை கொஞ்சம் கொஞ்சமாக இந்த மசோதா வலுவிழக்கச் செய்யும் .

ஒரே நாடு ஒரே தேர்தல் முறையால் செலவினம் குறையும் என்ற வாதத்தை ஏற்க முடியாது. ஒரே நாடு ஒரே தேர்தல் மசோதாவை தி.மு.க.வும், தி.மு.க. தலைவரும் தொடர்ந்து எதிர்த்து வருகின்றனர் . மசோதாவை கூட்டுக்குழுவுக்கு அனுப்பினாலும், தி.மு.க.வின் எதிர்ப்பு உறுதியானது. என தெரிவித்துள்ளார்.