அமெரிக்க பள்ளியில் அதிர்ச்சி சம்பவம்: துப்பாக்கிச்சூட்டில் 3 பேர் பலி

வாஷிங்டன் : அமெரிக்காவின் விஸ்கான்சின் பகுதியில் உள்ள ஒரு பள்ளியில் துப்பாக்கிச்சூடு நடத்தியதில் 2 பேர் பலியாகினர். 

அமெரிக்காவின் விஸ்கான்சின் பகுதியில் உள்ள அபண்டண்ட் லைஃப் கிறிஸ்தவப் பள்ளியில்  15 வயது பள்ளி மாணவி ஒருவர் துப்பாக்கியால் கண்மூடித்தனமாக சுட்டதில் இருவர் உயிரிழந்தனர். துப்பாக்கிச்சூடு நடத்திய சிறுமியும் உயிரிழந்ததாக அதிகாரிகள் தெரிவித்துள்ளனர்.

இதனால் அப்பள்ளி வளாகத்தில் பதற்றமான சூழல் நிலவியது. சம்பவ இடத்திற்கு சென்ற காவல்துறையினர் விசாரணை நடத்தினர். இந்த விசாரணையின் முடிவில் துப்பாக்கிச்சூடு நடத்தப்பட்டதற்கான காரணம் தெரிய வரும் எனத் தெரிவிக்கப்பட்டுள்ளது. இந்த பள்ளியில் சுமார் 390 மாணவர்கள் பயின்று வந்த நிலையில், துப்பாக்கிச்சூட்டில் மாணவர்கள் சிலருக்கு காயம் ஏற்பட்டுள்ளதாகவும் தெரிவிக்கப்பட்டுள்ளது.