சாம்பியன்ஸ் கோப்பை தொடர்: துணை கேப்டனாக பும்ரா?

மும்பை : சாம்பியன்ஸ் கோப்பையில் இந்திய அணியின் துணை கேப்டனாக பும்ரா செயல்படவுள்ளதாக தகவல் வெளியாகியுள்ளது.

ஒருநாள் தொடரில்....

பார்டர் கவாஸ்கர் கோப்பை தொடரில் இந்திய அணி மோசமான ஆட்டம் காரணமாக ஏராளான மாற்றங்கள் அரங்கேற இருப்பதாக தகவல் வெளியாகி உள்ளது. ஆஸ்திரேலிய அணிக்கு எதிரான டெஸ்ட் தொடர் முடிந்துவிட்ட நிலையில், இந்திய அணி இங்கிலாந்து அணிக்கு எதிராக ஒருநாள் கிரிக்கெட் தொடரில் விளையாட இருக்கிறது. இந்தத் தொடரைத் தொடர்ந்து சாம்பியன்ஸ் கோப்பை தொடர் நடைபெற இருக்கிறது. இது பிப்ரவரி 19 ஆம் தேதி துவங்கி மார்ச் 9 ஆம் தேதி வரை நடைபெறுகிறது. இந்தத் தொடர் பாகிஸ்தானில் நடைபெறுகிறது. எனினும், இந்திய அணி தனது போட்டிகளை துபாயில் விளையாட இருக்கிறது.

கேப்டன் ரோகித்...

சாம்பியன்ஸ் கோப்பை தொடருக்கான இந்திய அணியை கேப்டன் ரோகித் சர்மா வழிநடத்துவது உறுதிப்படுத்தப்பட்டு விட்டது. இந்த நிலையில், சாம்பியன்ஸ் கோப்பை 2025 தொடருக்கான இந்திய அணியின் துணை கேப்டன் யார் என்ற கேள்வு எழுந்துள்ளது. இது குறித்து வெளியான தகவல்களில் சுப்மன் கில் துணை கேப்டனாக அறிவிக்கப்படலாம் என்று கூறப்பட்டது. இந்த நிலையில், தற்போது வெளியாகி இருக்கும் தகவல்களில் 2025 சாம்பியன்ஸ் கோப்பை தொடருக்கான இந்திய அணிக்கு ஜஸ்பிரித் பும்ரா துணை கேப்டனாக செயல்படுவார் என்று தகவல் வெளியாகி உள்ளது. 

பும்ராவுக்கு ஓய்வு... 

முன்னதாக இந்திய அணியை ஒருநாள் தொடரில் ஜஸ்பிரித் பும்ரா வழிநடத்தியுள்ளார் என்பது குறிப்பிடத்தக்கது. இங்கிலாந்து அணிக்கு எதிரான தொடர் மற்றும் சாம்பியன்ஸ் கோப்பை 2025 தொடருக்கான இந்திய அணி விவரங்களை பி.சி.சி.ஐ. விரைவில் வெளியிடும் என்று எதிர்பார்க்கப்படுகிறது. மேலும், இங்கிலாந்து அணிக்கு எதிரான தொடரில் ஜஸ்பிரித் பும்ராவுக்கு ஓய்வு அளிக்கப்படும் என்றும் கூறப்படுகிறது.