டிச.27 அன்று வெளியாகும் அலங்கு

சங்கமித்ரா சௌமியா அன்புமணி தயாரிப்பில் எஸ்.பி சக்திவேல் இயக்கத்தில் இந்த மாதம் 27 அன்று வெளியாக உள்ள திரைப்படம் அலங்கு. இந்நிலையில் இப்படத்தின் பத்திரிகையாளர் சந்திப்பு சமீபத்தில் நடைபெற்றது. இதில் படத்தில் நடித்த நடிகர் நடிகைகள், தொழில் நுட்ப கலைஞர்கள் கலந்து கொண்டனர்.

மேலும் இயக்குனர் மிஷ்கின் சிறப்பு விருந்தினராக கலந்து கண்டார்.  விழாவில் பேசிய மிஷ்கின், இப்படத்தின் இயக்குனர் சக்தி என்னுடைய அஞ்சாதே படத்தில் உதவி இயக்குனராக பணியாற்றியவர். மிகவும் உணர்ச்சிப்பூர்வமானவர். ரொம்ப நாளைக்கு முன்பு ஒரு கதை கூறினார். நாய்களை பற்றிய கதை அது. நான் நாய்களோடு அதிகம் பழகி இருக்கிறேன், நாய்களோடு வாழ்ந்திருக்கிறேன் என்றார்.

தயாரிப்பாளர் சங்கமித்ரா சௌமியா அன்புமணி பேசுகையில். இத்திரைப்படத்தை மக்களிடம் கொண்டு சேர்க்கும் ஒரு அச்சானியாக செயல்ப்படுவது சக்தி பிலிம் பேக்டரி சக்திவேலன் அவர்கள். இவர் இத்திரைப்படத்தின் விநியோகிஸ்தரராக வந்ததும் எங்களுக்குள் ஒரு நல்ல படம் எடுத்திருக்கிறோம் என மேலும் நம்பிக்கை வந்துள்ளது என்றார்.

தடிகர் காளிவெங்கட் பேசுகையில், இத்திரைப்படத்தில் கதாநாயகனின் தாய்மாமனாக நடித்துள்ளேன். கதையின் நாயகன் குணாநிதி அவருடைய நடிப்பு முதல் படம் போல் இல்லாமல் மிகவும் நேர்த்தியாக உள்ளது என்றார் . இத்திரைப்படம் டிசம்பர் 27 அன்று வெளியாகிறது , அனைவரும் தங்கள் ஆதரவை அளிக்குமாறு கேட்டுக்கொள்கிறோம் என்றார்.