முக்கிய செய்திகள்
Idhayam Matrimony

அமலாக்கத் துறை சோதனை: முதல்வர் மு.க.ஸ்டாலினுடன் அமைச்சர் துரைமுருகன் சந்திப்பு

வெள்ளிக்கிழமை, 3 ஜனவரி 2025      தமிழகம்
duraimurugan 2025-01-03

Source: provided

சென்னை: அமலாக்கத் துறை சோதனை தொடர்பாக முதல்வர் மு.க.ஸ்டாலினுடன் அமைச்சர் துரைமுருகன் சந்தித்து பேசியதாக தகவல் வெளியாகியுள்ளது.

மேலும் அமலாக்கத்துறை சோதனை குறித்து உங்களுக்கு எவ்வளவு தெரியுமோ, அவ்வளவுதான் எனக்கும் தெரியும். இந்த சோதனைக்கு யார் வந்துள்ளார்கள் என்பது தெரியவில்லை. யாரும் வீட்டிலும் இல்லை. இரண்டு பணியாளர்கள் மட்டுமே உள்ளனர். அவர்களுக்கு சோதனை செய்ய வந்திருப்பவர்கள் எந்த துறையைச் சேர்ந்தவர்கள் என்ற விவரங்கள்கூட தெரியாது என்று தமிழக நீர்வளத்துறை அமைச்சர் துரைமுருகன் கூறியுள்ளார்.

வேலூரில் தமிழக நீர்வளம் மற்றும் கனிமவளத் துறை அமைச்சர் துரைமுருகன் வீட்டில் அமலாக்கத் துறையினர் நேற்று (வெள்ளிக்கிழமை) சோதனை நடத்தினர். காட்பாடி காந்திநகரில் உள்ள அமைச்சரின் வீடு, மகன் கதிர் ஆனந்துக்கு சொந்தமான பொறியியல் கல்லூரி வளாகம், அமைச்சரின் நம்பிக்கைக்குரிய பூஞ்சோலை சீனிவாசன் அவரது உறவினர் வீடு உள்பட 4 இடங்களில் சோதனை நடைபெற்றது. 

இந்நிலையில் சென்னை கோட்டூர்புரத்தில் அமைச்சர் துரைமுருகனை சந்தித்த செய்தியாளர்கள், அமலாக்கத்துறை சோதனை குறித்து கேள்வி எழுப்பினர். அதற்கு பதிலளித்த அவர், “இந்த சோதனை குறித்து உங்களுக்கு எவ்வளவு தெரியுமோ, அவ்வளவுதான் எனக்கும் தெரியும். இந்த சோதனைக்கு யார் வந்துள்ளார்கள் என்பது தெரியவில்லை.

யாரும் வீட்டிலும் இல்லை. இரண்டு பணியாளர்கள் மட்டுமே உள்ளனர். அவர்களுக்கு சோதனை செய்ய வந்திருப்பவர்கள் எந்த துறையைச் சேர்ந்தவர்கள் என்ற விவரங்கள்கூட தெரியாது. எனவே பணியாளர்களுக்கு சரியாக எதுவும் சொல்லத் தெரியவில்லை. காட்பாடி சென்றபிறகுதான் சோதனை குறித்த விவரம் தெரியவரும்,” என்று அவர் கூறினார்.

மேலும், வரும் ஜன.6ம் தேதி, தமிழக சட்டமன்றம் கூடவுள்ளது. இதையொட்டி இந்த ஆண்டில் முதல்முறையாக தமிழக முதல்வர் மு.க.ஸ்டாலின் தலைமைச் செயலகத்துக்கு நேற்று வந்திருந்தார். அங்கு முதல்வரைச் சந்தித்து அமைச்சர்கள் புத்தாண்டு வாழ்த்து தெரிவித்தனர். அமைச்சர் துரைமுருகனும் தலைமைச் செயலகத்தில் முதல்வரைச் சந்தித்துப் பேசினார். அப்போது சட்டமன்ற கூட்டத்தொடர் நிகழ்வுகள் மற்றும் அமலாக்கத்துறை சோதனை குறித்தும் பேசப்பட்டதாக கூறப்படுகிறது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 6 months 1 week ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 6 months 1 week ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 7 months 1 week ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 7 months 1 week ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 9 months 1 week ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 9 months 1 week ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.