பாராளுமன்ற வரலாற்றில் 17-வது மக்களவை பொற்காலம் என கருதப்படும்: பிரதமர் மோடி

புதுடெல்லி : பாராளுமன்ற மக்களவையின் சபாநாயகர் பதவிக்கான தேர்தல் குரல் வாக்கெடுப்பு மூலம் நேற்று நடைபெற்றது.  இதில்,  மக்களவை சபாநாயகர் தேர்தலில் ஓம் பிர்லா வெற்றி பெற்றதாக அறிவிக்கப்பட்டது. இதனால், ஓம் பிர்லா 2-வது முறையாக சபாநாயகராக தேர்ந்தெடுக்கப்பட்டுள்ளார்.  அவருக்கு பிரதமர் மோடி தன்னுடைய வாழ்த்துகளை தெரிவித்து கொண்டார்.  இதனை தொடர்ந்து,  அவையில் பிரதமர் மோடி பேசும் போது, 

மதிப்புக்குரிய சபாநாயகர் 2-வது முறையாக இந்த பதவியை ஏற்றிருப்பது அவைக்கு ஒரு நல்ல அதிர்ஷ்டம்.  இது ஒரு சாதனையும் ஆகும்.  5 ஆண்டுகள் நிறைவுக்கு பின்னர் இது போன்று, 2-வது முறையாக சபாநாயகராகும் வாய்ப்பு பல்ராம் ஜாக்கருக்கு கிடைத்தது. 

நீங்களும் இந்த வாய்ப்பை பெற்றிருக்கிறீர்கள்.  உங்களுக்கும் மற்றும் மொத்த அவைக்கும் வாழ்த்துகளை தெரிவித்து கொள்கிறேன்.  இந்த அவை சார்பாக உங்களுக்கு வாழ்த்துகளை தெரிவித்து கொள்ளவும் விரும்புகிறேன். பேரமுத காலத்தில், 2-வது முறையாக இந்த பதவியை நீங்கள் வகிப்பது, உங்களுக்கான ஒரு பெரிய பொறுப்பாக இருக்கும்.

பாராளுமன்ற வரலாற்றில் ஓம்பிர்லா தலைமையின் கீழ் 17-வது மக்களவையில் எடுக்கப்பட்ட முடிவானது ஒரு பொற்காலம் என கருதப்படும்.  இந்தியாவின் வருங்காலத்திற்கு வழிகாட்டுவதில் 17-வது மக்களவை ஒரு முக்கிய பங்காற்றியது.  உங்களுடைய அனுபவங்களை கொண்டு, அடுத்த 5 ஆண்டுகளுக்கு நீங்கள் எங்களை வழிநடத்தி செல்வீர்கள் என நாங்கள் நம்புகிறோம்.  எம்.பி.யாக நீங்கள் செயல்படும் விதம், கற்று கொள்வதற்கு உகந்தது.  உங்களுடைய ஸ்டைல் எங்களுடைய இளம் எம்.பி.க்களுக்கு உத்வேகத்தை ஏற்படுத்தும். இவ்வாறு பிரதமர் மோடி பேசினார்.