முக்கிய செய்திகள்
Idhayam Matrimony

ஒரே நாடு ஒரே தேர்தல் மசோதா: வாக்கெடுப்பில் பங்கேற்காத பா.ஜ. எம்.பி.க்கள் 20 பேருக்கு நோட்டீஸ்

புதன்கிழமை, 18 டிசம்பர் 2024      இந்தியா
Parliament 2023 05 27

டெல்லி, ஒரே நாடு ஒரே தேர்தல் மசோதா மீதான வாக்கெடுப்பில் பங்கேற்காத பா.ஜ.க. எம்பிக்களுக்கு அக்கட்சி சார்பில் நோட்டீஸ் அனுப்பப்பட்டுள்ளது.

மக்களவை மற்றும் மாநிலங்களின் சட்டசபைகளுக்கு கடந்த 1952-ம் ஆண்டு ஒரே நேரத்தில் தேர்தல் நடத்தப்பட்டது. கடந்த 1957, 1962-ம் ஆண்டுகளிலும் மக்களவை, சட்டசபைகளுக்கு ஒரே நேரத்தில் தேர்தல் நடந்தது. கடந்த 1968-ம் ஆண்டில் பல்வேறு மாநிலங்களின் சட்டசபைகள் கலைக்கப்பட்டது. அதேபோல் 1970-ம் ஆண்டில் மக்களவை கலைக்கப்பட்ட பின் மக்களவை மற்றும் மாநிலங்களின் சட்டசபைகளுக்கு தனித்தனியாக தேர்தல் நடத்தப்பட்டு வருகிறது.

கடந்த 2019-ம் ஆண்டு சுதந்திர தின உரையின்போது ஒரே நாடு, ஒரே தேர்தல்’ திட்டத்தை பிரதமர் நரேந்திர மோடி முன்மொழிந்தார். இந்த திட்டத்தை ஆய்வு செய்ய முன்னாள் ஜனாதிபதி ராம்நாத் கோவிந்த் தலைமையில் கடந்த ஆண்டு செப்டம்பர் மாதம் உயர்நிலை குழு அமைக்கப்பட்டது. இந்த குழு பல்வேறு கட்ட ஆய்வுகளை நடத்தி கடந்த மார்ச் மாதம் ஜனாதிபதி திரெளபதி முர்முவிடம் அறிக்கையை சமர்ப்பித்தது.

இதை அடிப்படையாக வைத்து ‘ஒரே நாடு, ஒரே தேர்தல்’ மசோதா வரையறுக்கப்பட்டது. இந்த மசோதாவுக்கு மத்திய அமைச்சரவை கடந்த 12-ம் தேதி ஒப்புதல் அளித்தது. நடப்பு நாடாளுமன்ற கூட்டத்தொடரில் ‘ஒரே நாடு, ஒரே தேர்தல்’ மசோதா நேற்று முன்தினம் தாக்கல் செய்யப்பட இருந்தது. ஆனால், தாக்கல் செய்யப்படாது என அறிவிக்கப்பட்டது. இந்த நிலையில் மத்திய சட்டத் துறை அமைச்சர் அர்ஜுன் ராம் மேக்வால் ‘ஒரே நாடு, ஒரே தேர்தல்’ மசோதாவை நேற்று முன்தினம் மக்களவையில் தாக்கல் செய்தார். இந்த மசோதாவுக்கு காங்கிரஸ் உள்ளிட்ட எதிர்க்கட்சிகள் கடும் எதிர்ப்பு தெரிவித்தனர்.

இதனையடுத்து, ஒரே நாடு ஒரே தேர்தல் மசோதாவை கூட்டுக்குழு பரிசீலனைக்கு அனுப்ப வேண்டும் என்று எதிர்க்கட்சியினர் கோரிக்கை வைத்தனர். இந்த கோரிக்கையை ஏற்று, ‘ஒரே நாடு ஒரே தேர்தல்’ மசோதா நாடாளுமன்ற நிலைக்குழுவுக்கு அனுப்பப்படும் என மத்திய உள்துறை அமைச்சர் அமித்ஷா அறிவித்துள்ளார். கூட்டுக்குழு பரிசீலனையின்போது அனைத்து கட்சிகளும் விரிவாக கருத்து கூறலாம் எனவும் மத்திய அமைச்சர் அமித்ஷா தெரிவித்துள்ளார். இதனையடுத்து, ஒரே நாடு ஒரே தேர்தல் மசோதாவை கூட்டுக்குழு பரிசீலனைக்கு அனுப்புவது தொடர்பாக மக்களவையில் வாக்கெடுப்பு நடைபெற்றது.

இந்த மசோதாவுக்கு 269 எம்பிக்கள் ஆதரவும், 198 பேர் எதிர்ப்பும் தெரிவித்தனர். முதல் முதலாக மின்னணு முறையில் எம்பிக்களிடம் வாக்கெடுப்பு நடத்தப்பட்டது. இந்த மின்னணு வாக்கெடுப்பு முறையில் மொத்தம் 369 பேர் வாக்குகளை பதிவு செய்தனர். இயந்திரத்தில் திடீர் பிரச்சனை ஏற்பட்ட மற்ற 92 எம்பிக்கள் தங்களின் வாக்குகளை பதிவு செய்ய முடியவில்லை. வாக்கெடுப்பில் வாக்கை பதிவு செய்ய முடியாத 92 எம்பிக்களுக்கு வாக்குச்சீட்டுகள் வழங்கப்பட்டது.

ஒரே நாடு ஒரே தேர்தல் மசோதாவை நிறைவேற்ற வேண்டும் என்றால் சபையில் 3ல் 2 பங்கு ஆதரவு என்பது வேண்டும். அதன்படி லோக்சபாவில் மொத்தம் 461 பேர் இருந்த நிலையில் 307 எம்பிக்களின் ஆதரவு வேண்டும். ஆனால் வாக்கெடுப்பில் 269 எம்பிக்கள் மட்டுமே ஒரே நாடு ஒரே தேர்தல் மசோதாவுக்கு ஆதரவு தெரிவித்ததால் இந்த மசோதாவை நிறைவேற்ற முடியாத நிலை உள்ளது. எனவே இந்த மசோதா நாடாளுமன்ற நிலைக்குழுவுக்கு அனுப்பி வைக்கப்படும். இந்த நிலையில் இந்த மசோதா மீதான வாக்கெடுப்பில் பங்கேற்காத 20 பா.ஜ.க. எம்.பி.க்களுக்கு கட்சி சார்பில் நோட்டீஸ் வழங்கப்பட்டுள்ளது. ​​மத்திய அமைச்சர்களான நிதின் கட்கரி, ஜோதிராதித்ய சிந்தியா, கிரிராஜ் சிங் உள்ளிட்ட 20 பா.ஜ.க. எம்.பி.க்கள் மக்களவையில்  பங்கேற்கவில்லை என்பது குறிப்பிடத்தக்கது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 5 months 3 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 5 months 3 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 6 months 3 weeks ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 6 months 3 weeks ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 8 months 3 weeks ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 8 months 3 weeks ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.