தங்கம் விலையில் மாற்றமில்லை

சென்னை: சென்னையில் ஆபரணத் தங்கம் விலையில் மாற்றமின்றி விற்பனையானது.

சென்னையில் கடந்த சில நாட்களாக தங்கம் விலையில் ஏற்ற, இறக்கம் தொடர்ந்தது. கடந்த மாதம் 26, 27-ம் தேதிகளில் விலை அதிகரித்து, பின்னர் விலை குறைந்தது. தங்கம், இந்த மாதம் தொடக்கத்தில் இருந்து மீண்டும் ஏறுமுகத்தில் காணப்பட்டது. கடந்த 3-ந்தேதி தங்கம் விலை சவரனுக்கு ரூ.640 அதிரடியாக உயர்ந்த நிலையில் கடந்த 4-ம் தேதி தங்கம் விலை சவரனுக்கு ரூ.360 குறைந்தது. 

இந்த நிலையில் நேற்றும் தங்கம் விலையில் மாற்றமின்றி விற்பனையானது. அதன்படி, சென்னையில் 22 கேரட் ஆபரணத் தங்கம் ஒரு சவரன் ரூ.57,720-க்கு விற்பனையானது. தங்கம் ஒரு கிராம் ரூ.7,215-க்கு விற்பனையானது. வெள்ளி விலை கிராமுக்கு ரூ.1 உயர்ந்து ஒரு கிராம் ரூ.100-க்கு விற்பனையானது.