பஸ்-லாரி நேருக்கு நேர் மோதி விபத்து: பாகிஸ்தானில் 12 பேர் பலி

கராச்சி : பாகிஸ்தானில் பஸ்- லாரி நேருக்கு நேர் மோதியதில் 12 பேர் பலியாகி உள்ளனர்.

பாகிஸ்தானின் தெற்கு சிந்து மாகாணத்தில் தேசிய நெடுஞ்சாலையில் பஸ் மீது லாரி மோதி பயங்கர விபத்து ஏற்பட்டது. இதில் 12 பேர் பலியாகினர். பாகிஸ்தானின் ஐதராபாத்தில் ஒரு திருமண விழாவுக்காக வந்து திரும்பி செல்லும்போது லாரி மீது பஸ் மோதிய பயங்கிர விபத்தில் 12 பேர் பலியாகினர்.  இந்த விபத்து குறித்து  ஐதராபாத் துணை ஆணையர் அர்சலன் சலீம் தெரிவித்தார். 

மேலும், உயிரிழந்தவர்களில் 8 பேர் ஒரே குடும்பத்தை சேர்ந்தவர்கள் என்றும்  5 பேரின் நிலை கவலைக்கிடமாக இருப்பதாகவும், தெரிவிக்கப்பட்டுள்ளது. லாரி ஓட்டுனர் தப்பி ஓடிய நிலையில் அவரை தேடும் பணியில் போலீசார் ஈடுபட்டு வருகின்றனர்.