தூத்துக்குடிக்கு வந்த முதல்வர் ஸ்டாலினுக்கு உற்சாக வரவேற்பு

தூத்துக்குடி : பல்வேறு நிகழ்ச்சிகளில் கலந்து கொள்வதற்காக தூத்துக்குடி வருகை தந்த தமிழக முதல்வர் மு.க.ஸ்டாலினுக்கு விமான நிலையத்தில் உற்சாக வரவேற்பு அளிக்கப்பட்டது.

தூத்துக்குடியில் பல்வேறு நிகழ்ச்சிகளில் கலந்து கொள்வதற்காக தமிழக முதல்வர் மு.க.ஸ்டாலின் நேற்று விமானம் மூலம் வாகைகுளம் விமான நிலையத்துக்கு வருகை தந்தார். அவருக்கு சபாநாயகர் அப்பாவு, கனிமொழி எம்.பி, அமைச்சர்கள் கீதா ஜீவன் அனிதா ராதாகிருஷ்ணன், மாவட்ட கலெக்டர் இளம் பகவத், மாநகராட்சி மேயர் ஜெகன் பெரியசாமி, மாநகராட்சி ஆணையர் மதுபாலன் உள்பட பலர் வரவேற்றனர். 

மாலை 5 மணிக்கு தூத்துக்குடி வடக்கு, தெற்கு மாவட்ட  நிர்வாகிகளுடன் சந்திப்பு நிகழ்ச்சியில் முதல்வர் மு.க.ஸ்டாலின் பங்கேற்று பேசினார். நிகழ்ச்சி முடிந்ததும் இரவில் தூத்துக்குடி சத்யா ரிசார்ட்சில் முதல்வர் தங்கி ஓய்வெடுக்கிறார்.