தமிழக காவல்துறையில் 56 பேர் பணியிட மாற்றம் : கோவை போலீஸ் கமிஷனராக சரவண சுந்தர் நியமனம்

சென்னை : தமிழக காவல்துறையில் உயர் போலீஸ் அதிகாரிகள் சிலர் பதவி உயர்வு பெற்றனர். அதையொட்டி, பணியிட மாற்றமும் நடைபெற்றது. 56 பேர் இந்த பட்டியலில் இடம் பிடித்துள்ளனர்.

அதன்விவரம் பின்வருமாறு., ஜெயசந்திரன் - சென்னை மத்திய குற்றப்பிரிவு துணை கமிஷனராக உள்ள இவர், சென்னை திருவல்லிக்கேணி துணை கமிஷனராக மாற்றப்பட்டார். அன்பு - ஆவடி போக்குவரத்து போலீஸ் துணை கமிஷனரான இவர், ஈரோடு சிறப்பு அதிரடி படை சூப்பிரண்டாக நியமிக்கப்பட்டுள்ளார். தீபக் சிவாச் - விழுப்புரம் மாவட்ட போலீஸ் சூப்பிரண்டாக உள்ள இவர், அரியலூர் போலீஸ் சூப்பிரண்டாக பதவியேற்பார். ராஜாராம் - கடலூர் மாவட்ட போலீஸ் சூப்பிரண்டாக பணியாற்றும் இவர், தஞ்சாவூர் மாவட்ட போலீஸ் சூப்பிரண்டாக பொறுப்பேற்பார். கிரண் ஸ்ருதி - ராணிப்பேட்டை மாவட்ட போலீஸ் சூப்பிரண்டாக பணியாற்றும் இவர், டி.ஜி.பி. அலுவலகத்தில் பயங்கரவாத தடுப்பு பிரிவு சூப்பிரண்டாக மாற்றப்பட்டார்.

அபிஷேக் குப்தா - திருப்பூர் மாவட்ட போலீஸ் சூப்பிரண்டாக பணியாற்றும் இவர், புதுக்கோட்டை மாவட்ட போலீஸ் சூப்பிரண்டாக நியமிக்கப்பட்டுள்ளார்.  சரவண குமார் - கோவை தெற்கு துணை கமிஷனராக உள்ள இவர், சென்னை பொருளாதார குற்றப்பிரிவு தெற்கு மண்டல சூப்பிரண்டாக மாற்றப்பட்டுள்ளார். செல்வராஜ் - அரியலூர் மாவட்ட போலீஸ் சூப்பிரண்டான இவர், சென்னை மத்திய குற்றப்பிரிவு துணை கமிஷனராக பொறுப்பேற்பார்.

ஆசிஷ் ராவத் - தஞ்சாவூர் மாவட்ட போலீஸ் சூப்பிரண்டான இவர், சிவகங்கை மாவட்ட போலீஸ் சூப்பிரண்டாக பதவியேற்பார். ஜெயக்குமார் - திருவாரூர் மாவட்ட போலீஸ் சூப்பிரண்டாக உள்ள இவர், கடலூர் மாவட்ட போலீஸ் சூப்பிரண்டாக பதவியேற்பார். சீனிவாசன் - தென்காசி மாவட்ட சூப்பிரண்டாக பணியாற்றும் இவர், சென்னை பரங்கிமலை துணை கமிஷனராக மாற்றப்பட்டார்.  செல்வ நாகரத்தினம் - சென்னை பரங்கிமலை துணை கமிஷனராக பணியாற்றும் இவர், திருச்சி மாவட்ட போலீஸ் சூப்பிரண்டாக பதவியேற்பார். டோங்கரே பிரவீன் உமேஷ் - சிவகங்கை மாவட்ட போலீஸ் சூப்பிரண்டாக பணியாற்றும் இவர், சென்னை லஞ்ச ஒழிப்பு சூப்பிரண்டாக மாற்றப்பட்டார்.

சுந்தரவதனம் - கன்னியாகுமரி மாவட்ட போலீஸ் சூப்பிரண்டாக உள்ள இவர், சென்னை 'கியூ' சூப்பிரண்டாக நியமிக்கப்பட்டார். ஈஸ்வரன் - சென்னை சைபர் பிரிவு (3) சூப்பிரண்டாக பணியாற்றும் இவர், திருச்சி நகர தெற்கு துணை கமிஷனராக மாற்றப்பட்டார். சசாங்க் சாய் - சென்னை கியூ பிரிவு சூப்பிரண்டாக உள்ள இவர், அமைப்பு சார்ந்த குற்ற புலனாய்வு பிரிவு சூப்பிரண்டாக பொறுப்பேற்பார். சரோஜ்குமார் தாக்குர் - சென்னை கிழக்கு மண்டல இணை கமிஷனராக பணியாற்றும் இவர், சென்னை தலைமையக இணை கமிஷனராக நியமிக்கப்பட்டுள்ளார்.

விஜயகுமார் - சென்னை மேற்கு மண்டல இணை கமிஷனராக பணியில் உள்ள இவர், சென்னை கிழக்கு மண்டல இணை கமிஷனராக மாற்றப்பட்டார். மகேஷ்குமார் - சென்னை தெற்கு போக்குவரத்து போலீஸ் இணை கமிஷனராக பணியாற்றும் இவர், சென்னை வடக்கு போக்குவரத்து போலீஸ் இணை கமிஷனராக பொறுப்பேற்பார். மனோகர் - திருச்சி சரக டி.ஐ.ஜி.யாக பணியாற்றும் இவர், சென்னை வடக்கு இணை கமிஷனராக மாற்றப்பட்டார்.

வருண் குமார் - திருச்சி மாவட்ட போலீஸ் சூப்பிரண்டாக பணியாற்றும் இவர், பதவி உயர்வு பெற்று, திருச்சி சரக டி.ஐ.ஜி.யாக நியமிக்கப்பட்டுள்ளார். சந்தோஷ் கடிமானி - சென்னை திருவல்லிக்கேணி துணை கமிஷனரான இவர், பதவி உயர்வு பெற்று, நெல்லை நகர கமிஷனராக மாற்றப்பட்டார். பண்டி காங்காதர் - சென்னை தெற்கு போக்குவரத்து போலீஸ் துணை கமிஷனராக பணியாற்றும் இவர், பதவி உயர்வு பெற்று சென்னை தெற்கு போக்குவரத்து போலீஸ் இணை கமிஷனராக பொறுப்பேற்பார். சசிமோகன் - ஈரோடு சிறப்பு அதிரடி படை சூப்பிரண்டாக பணியாற்றும் இவர், பதவி உயர்வு பெற்று, கோவை சரக டி.ஐ.ஜி.யாக பதவி வகிப்பார்.

வந்திதா பாண்டே - புதுக்கோட்டை மாவட்ட சூப்பிரண்டாக பணியாற்றும் இவர், பதவி உயர்வு பெற்று, திண்டுக்கல் சரக டி.ஐ.ஜி.யாக நியமிக்கப்பட்டுள்ளார். பகேரியா கல்யாண் - தெற்கு மண்டல பொருளாதார குற்றப்பிரிவு சூப்பிரண்டாக பணியாற்றும் இவர், பதவி உயர்வு பெற்றுள்ளார். சென்னை மேற்கு மண்டல இணை கமிஷனராக பணியாற்றுவார். அவிநாஷ்குமார் - சென்னை டி.ஜி.பி. அலுவலக நிர்வாக பிரிவு ஐ.ஜி.யாக பணியாற்றும் இவர், தொழில் நுட்ப பிரிவு ஐ.ஜி.யாக மாற்றப்பட்டார். பவானிஷ்வரி - டி.ஜி.பி. அலுவலகத்தில் எஸ்டாபிளிஷ்மென்ட் ஐ.ஜி.யாக பணியாற்றும் இவர், ஆவடி கமிஷனரகத்தில் தலைமையக மற்றும் போக்குவரத்து கூடுதல் கமிஷனராக நியமிக்கப்பட்டுள்ளார்.

பாலகிருஷ்ணன் -கோவை போலீஸ் கமிஷனராக பணியாற்றும் இவர், டி.ஜி.பி. அலுவலகத்தில் நிர்வாக பிரிவு ஐ.ஜி.யாக பொறுப்பேற்பார். கார்த்திகேயன் - திருச்சி மத்திய மண்டல ஐ.ஜி.யாக உள்ள இவர், டி.ஜி.பி. அலுவலகத்தில் அமலாக்க பிரிவு ஐ.ஜி.யாக பதவியேற்பார். ஜெயஸ்ரீ - சென்னை செயலாக்க பிரிவு ஐ.ஜி.யாக பணியாற்றும் இவர், ஊர்காவல் படை ஐ.ஜி.யாக நியமிக்கப்பட்டுள்ளார் ஏ.ஜி.பாபு - தொழில்நுட்ப பிரிவு ஐ.ஜி.யாக உள்ள இவர், சென்னை ரெயில்வே ஐ.ஜி.யாக பொறுப்பேற்பார். மயில்வாகனன் - அமலாக்கத்துறை ஐ.ஜி.யாக உள்ள இவர் ஈரோடு சிறப்பு காவல்படை ஐ.ஜி.யாக நியமிக்கப்பட்டுள்ளார், .

ஜோஷி நிர்மல் குமார் - சிவில் சப்ளை சி.ஐ.டி பிரிவு ஐ.ஜி.யாக உள்ள இவர், திருச்சி மத்திய மண்டல ஐ.ஜி.யாக மாற்றப்பட்டார். லட்சுமி - திருப்பூர் போலீஸ் கமிஷனராக பணியாற்றும் இவர், டி.ஜி.பி. அலுவலகத்தில் எஸ்டாபிளிஸ்மென்ட் ஐ.ஜி.யாக நியமிக்கப்பட்டுள்ளார். ராஜேந்திரன் - சென்னை ஆவடி கமிஷனரகத்தில் தலைமையக கூடுதல் கமிஷனராக பணியாற்றும் இவர், திருப்பூர் போலீஸ் கமிஷனராக நியமிக்கப்பட்டுள்ளார். ரூபேஷ்குமார் மீனா - நெல்லை நகர போலீஸ் கமிஷனராக பணியாற்றும் இவர், சிவில் சப்ளை சி.ஐ.டி. பிரிவு ஐ.ஜி.யாக பொறுப்பேற்கிறார். சரவண சுந்தர் - கோவை சரக டி.ஐ.ஜி.யாக பணியாற்றும் இவர், ஐ.ஜி.யாக பதவி உயர்வு பெற்று, கோவை போலீஸ் கமிஷனராக நியமிக்கப்பட்டுள்ளார்.

பிரவேஷ் குமார் - சென்னை வடக்கு இணை கமிஷனராக பணியாற்றும் இவர், பதவி உயர்வு பெற்று சிலை கடத்தல் தடுப்பு பிரிவு ஐ.ஜி.யாக பொறுப்பேற்பார். கயல் விழி - சென்னை தலைமையக இணை கமிஷனராக பணியாற்றும் இவர், பதவி உயர்வு பெற்றுள்ளார். பெண்கள் மற்றும் குழந்தைகள் பாதுகாப்பு பிரிவு ஐ.ஜி.யாக நியமிக்கப்பட்டுள்ளார். இவர்கள் உள்பட 56 பேர் பதவி உயர்வு மற்றும் பணியிட மாற்றம் பெற்றுள்ளனர்.